Tuesday, September 20, 2016

మిస్టరీ: మాట్లాడే ఆత్మ పలక(బోర్డ్)....ఫోటోలు మరియు వివరాలు

లిపి ఫలకం, ఆత్మ బోర్డ్ మరియు మాట్లాడే పలక అని కూడా చెబుతారు. ఈ పలకను(Ouija board) ఒక ఆట వస్తువుగా అమ్మకాలు చేస్తున్నారు. ఈ పలక, ఆడుకునే వారు తనని అడిగే ప్రశ్నలకు సమాధానం చెబుతుందట. ఈ పలక మార్కెట్లలో అమ్మకానికి ఉన్నా ఈ పలకను కొనుక్కునే వారి సంఖ్య తక్కువగా ఉన్నది. దీనికి కారణం, ఈ పలకను కొనుక్కుని, ఆడుకున్న వారు తమ అనుభవాలను చెప్పటం వలనే. అంటే ఈ పలకతో ఆడినవారు ఆనందం కంటే బాధలే ఎక్కువ పొందేరు. అందులో చాలామంది అత్యంత భయంకరమైన అనుభూతిని ఎదుర్కొన్నారు.
గూగుల్ సంస్థ పోయిన నెల అందించిన సమాచార జాబితాలో ఈ సంవత్సరం ఈ పలకల అమ్మకం ఎక్కువ అయ్యిందని, ఈ పలకను తమ పిల్లలకు, స్నేహితులకు మరియూ కుటుంబీకులకు క్రిస్ట్మస్ కానుకగా ఇవ్వటానికి కొంటున్నారని తెలిపేరు. ఈ పలకల అమ్మకం ఈ సంవత్సరం ఎక్కువ అవటానికి కారణం ఈ సంవత్సరం హాలోవిన్ పండుగకు విడుదలైన ఓయూజా(Ouija) సినిమానే అని తెలిపేరు. ఈ పలకను ఆట వస్తువుగా చూడొద్దని, ఈ పలకతో ఆడుకోవద్దని భూతవైద్యులు మరియు అతీత భావన(పారానార్మల్) పరిశోధకులు ప్రజలకు హెచ్చరికలు జారీచేసేరు.
ఈ పలకకు క్షుద్ర మరియు చెడు పరిణామాలకు సంబంధం ఉన్నదని తెలిసినా, వ్యాపారులు ఈ పలకను ఒక ఆట వస్తువుగా అమ్ముతున్నారని పారానార్మల్ పరిశోధకులు మరియు భూతవైద్యులు వాపోతున్నారు. “ఈ పలకతో ఆత్మలను రప్పించడం సుళువే కానీ పంపించడం మాత్రం కష్టమని వారు చెబుతున్నారు. ఈ పలకతో చనిపోయిన తమ ప్రియమైన వారిని మాత్రమే కలుసు కుంటున్నాము(బోతున్నాము) అనుకుంటున్నారు ఈ అమాయక ప్రజలు. కానీ అది నిజం కాదు. ఆ పలకతో ఆడుతున్నప్పుడు ఎవరి ఆత్మ అయినా రావచ్చు. ఆ ఆత్మ మంచిది కావచ్చు లేక చెడ్డది కావచ్చు” అంటున్నారు.
"ఎవరితో మాట్లాడుతున్నామో తెలియని ఆ పలకను నేనైతే అసలు ముట్టుకోను. ఎందుకంటే ఇన్నేళ్ళ నా సేవలో ఈ పలక వలన నేను ఎన్నో భయాలకు గురి అయ్యేను" అని పారానార్మల్ పరిశోధకుడు డారెన్ ఆన్సెల్ అన్నారు. పారానార్మల్ పరిశోధకుడు డారెన్ ఆన్సెల్ తన బృందంతో కలిసి ఈ మాట్లాడే పలకతో ఎన్నో పరిశోధనలు జరిపేరు. "పలకతో ఆడుకోవటానికి ఉపయోగించే ముక్కోణపు కదిలే సూచిక(planchette) ఆడుతున్న వారి సబ్-కాన్షియస్ మెదడు యొక్క కండరాల కదిలికలవలన కదులుతు ఉండవచ్చు" అని ఆయన చెప్పేరు. కానీ తన పరిశోధనలలో భాగంగా ఈ పలకతో ఆడినవారిని కలుసుకున్నప్పుడు వారు వివరించిన అనుభవాల గురించి నేను వివరించలేను అని తెలిపేరు. ఈ పలకతో ఆడుతున్నప్పుడు అదృశ్య మాటలు, వింత శబ్ధాలు వినబడేవి, ఆడుతున్న రూములో పలక చుట్టూ ఉన్న వస్తువులు ఎగిరిపోవడం లాంటివి జరిగేయని ఈ పలకలతో ఆడుకున్నవారు తెలియపరిచేరు.
ఈ పలక గురించి 1100 AD లో చైనా యొక్క చారిత్రక పత్రాలలో రాయబడి ఉంది. సాంగ్ రాజవంశం వారు ప్రత్యేక ఆచారాలతో ఆధ్యాత్మిక గురువుల పర్యవేక్షణలో ఆత్మల ప్రపంచముతో సంభాషించేవారట.

జూలై-1, 1890 లో ఎలిజా బాండ్ అనే వ్యాపారవేత్త లాభార్జనే లక్ష్యంగా ఈ మాట్లాడే ఆత్మ పలకను ప్రజలకు హానిచేయని ఆట పరికరంగా పరిచయం చేసేడు. మొదటి ప్రపంచ యుద్ధం జరుగుతున్నప్పుడు అమెరికాకు చెందిన ఆధ్యాత్మిక వేత్త పిరల్ ఉర్రన్(Pearl Curran) ఈ పలకను దైవ సంబంధమైన పరికరముగా ప్రాచుర్యంలోకి తెచ్చేరు.
సైన్స్ శాస్త్రవేత్తలు ఆధ్యాత్మిక వేత్త మాటలను కఠినంగా విమర్శించారు. ముక్కోణపు కదిలే సూచిక కదలడానికి కారణం ఆడుతున్నవారి ఇడియోమోటార్ ఎఫక్ట్(ideomotor effect...శక్తివంతమైన భావోద్వేగాలు ఒక మనిషిలో అనుకోకుండా కన్నీళ్ళు తెప్పించడాన్ని ఇడియోమోటార్ ఎఫక్ట్ అంటారు)వలనే కదులుతోందని చెబుతున్నారు.

మాట్లాడే ఆత్మ పలక పై ఆంగ్ల అక్షరాలు చిహ్నిత చేయబడి ఉంటాయి, 0 నుండి 9 వరకు అంకెలు ఉంటాయి. ఎస్, నో మరియు గుడ్ బై అనే మాటలు ఉంటాయి. ముక్కోణపు కదిలే సూచిక ఇవ్వబడుతుంది. ఈ పలకను ఆడటానికి ఇద్దరు కావాలి. మూడో వ్యక్తి కూడా ఆడే చోట ఉండవచ్చు. చిన్న వెలుతురులో ఆడితే సరైన సమాధనం దొరుకుతుంది. ఆడే ఇద్దరూ ముక్కోణపు కదిలే సూచికను ఆ పలకపై ఉంచి ఎవరితో మాట్లాడాలి అనుకుంటున్నారో వారిని పిలువ వచ్చు. జవాబుగా ముక్కోణపు కదిలే సూచిక తానుగా కదులుతుంది. అది కదిలి ఏ ఏ అక్షరాలపై ఆగుతుందో దానిని మూడోవ్యక్తి కాగితంపై రాసుకోవచ్చు. ఒక్కొక్క సారి రూములోకి వచ్చిన ఆత్మలు మాట్లాడతాయి. ఆ మాటలను అక్కడున్న అందరూ వినవచ్చు. ఆట ముగిసిన తరువాత ఖచ్చితంగా గుడ్ బై చెప్పాలట. లేక పోతే అక్కడికి వచ్చిన ఆత్మ వెళ్ళిపోకుండా అక్కడే ఉంటుందట.
చాలామంది ఈ పలకను ఆడుతున్నప్పుడు తమకు కావలసిన వారి ఆత్మలు రాకుండా, ఇంకెవరివో ఆత్మలు వస్తున్నాయని, ఆ ఆత్మలు ఆడేవారిని హింసిస్తున్నాయని చెప్పడంతో ఈ పలక ఆట ఆడుకోవడాన్ని తగ్గించేరు. చాలా సంవత్సరాలుగా ఈ మాట్లాడే ఆత్మ పలక అమ్ముడు కాకుండా షాపులలోనే ఉండిపోవడంతో ఈ పలక అమ్మకాలు తగ్గిపోయినై. అప్పుడప్పుడు కొందరు కొని ఆడుతున్నా ఈ పలకకు గిరాకీ తగ్గింది. ఈ మాట్లాడే ఆత్మ పలకను ఆడవద్దు అని ప్రచారం జరుగుతూనే ఉన్నది. కానీ తిరిగి ఈ మధ్య, ముఖ్యంగా ఓయూజా(Ouija) సినిమా కారణంగా అమ్మకాలు పెరిగినట్లు గూగుల్ సంస్థ తెలియజేసింది.

పరిచయం చేయబడి 125 సంవత్సరాలు అయినా మాట్లాడే ఆత్మ పలక గురించి సరైన అవగాహన ఎవరూ ఇవ్వలేకపోతున్నారు కాబట్టి ఇది ఇంకా మిస్టరీగానే ఉన్నది.

2 comments:

  1. వాక్య నిర్మాణాన్ని స‌రిచూసుకోగ‌ల‌రు. అస‌లు ఒక‌దానికి ఒక‌దానికి పొంత‌న లేకుండా ఉంది. ఇంగ్లీషులో ఉంది డైర‌క్ట్‌గా తెలుగులో అనువ‌దించిన‌ట్లు ఉన్నారు. అలా కాకుండా ఆ స‌మాచారాన్ని మీవాక్యాల‌లో రాసి పెట్టండి. ఆర్టిక‌ల్ బాగున్నా దానికి సంబంధించిన స‌మాచారం పొంత‌న కుదర‌డం లేదు. చూసుకోగ‌ల‌రు. కేవ‌లం ఇదొక్క‌టే కాదు చాలా ఆర్టిక‌ల్స్‌లో నేను ఈ విష‌యాన్ని గ‌మ‌నించాను. అందుక‌నే ఈస‌ల‌హా ఇస్తున్నాను. అన్య‌థా భావించ‌కండి!!

    ReplyDelete
    Replies
    1. ధన్యవాదాలు...తప్పక సరిచేసుకుంటాను.

      Delete