Saturday, November 29, 2014

సినిమాలలో స్పెషల్ ఎఫక్ట్స్ మీరు ఊహించినదానికంటే అద్భుతంగా ఉంటాయి....ఫోటోలు

ఇప్పుడొస్తున్న ఆంగ్ల సినిమాలలో ఎక్కువ స్పెషల ఎఫక్ట్స్ ఉంటాయని మీకు తెలుసు. కానీ ఈ క్రింది ఫోటోలను చూసిన తరువాత మీరు సినిమాలలో చూసి అద్భుతమని అనుకుంటున్న కొన్ని సీన్లను ఎలా తీసేరో ఇక్కడ చూడండి.


Friday, November 28, 2014

ఈ సంపన్నవ్యాపరవేత్త తన స్వగ్రామం ప్రజలకు నమ్మలేని సహాయం చేసేడు....ఫోటోలు

అంత నమ్మలేని సహాయం ఏముంటుంది? అని మీరు అనుకుంటునారని నేను ఊహించుకోగలను.చదివిన తరువాత మీకే తెలుస్తుంది.

చైనాలోని క్సియాంగ్ కెంగ్ అనే గ్రామంలో పుట్టిన క్సియాంగ్ సుయ్ హువా, తన చిన్నతనంలో ఆ గ్రామ ప్రజలు అతనికి ఎంత సహాయపడ్డారో మరిచిపోలేదు. అతని తిండికి, గుడ్డకు మరియు చదువుకు వారి చేసిన సహాయం, అతన్ని అతిపెద్ద వ్యాపరవేత్తగా చేసి, అత్యంత సంపన్నుడిగా మార్చింది. అలాంటి గ్రామ ప్రజలకు తాను చేయవలసింది ఎంతో ఉన్నదని నిర్ణయించుకుని, ఒక రోజు బుల్డోజర్లతో గ్రామనికి వచ్చి అక్కడున్న ఇళ్ళను పడగొట్టడం మొదలు పెట్టేడు. అతను చేస్తున్న పనికి మొదట్లో కోపం తెచ్చుకున్న గ్రామ ప్రజలు, అతను చేయదలుచుకున్నది తెలుసుకుని ఆశ్చర్యపోయేరు.

ఆ గ్రామంలోని మామూల ఇళ్ళను పడగొట్టి వాల్లందరికీ పక్క ఇళ్ళు కట్టించి ఆ గ్రామమును ఒక కాలనీగా చేసి వారికి అందించేడు. రుణం తీర్చుకోవడం అంటే ఇదే...!


Tuesday, November 25, 2014

మనం వెళ్ళడానికి అనుమతి లేని ప్రదేశాలు

ఫ్రాన్స్ దేశంలోని లస్కౌక్స్ గుహలు
17,300 సంవత్సరాలకు ముందు రాతి పనిముట్లతో, ఖనిజ వర్ణాలతో గోడలమీద వేయబడిన చిత్రాలు. ఈ చిత్రాలలో ఆ కాలంలో ఉండే అతిపెద్ద జంతువుల బొమ్మలే గీయబడి ఉన్నాయి. 1940 లో ఈ గుహ కనుగొనబడింది. 1948 లో పర్యాటకులను అనుమతించేరు. పర్యాటకుల వలన ఆ గుహలోని చిత్రాలకు హాని జరుగుతోందని తెలుసుకుని 1963 లో గుహలను మూసేసేరు. అక్కడికి వెళ్ళటానికి ఎవరినీ అనుమతించరు.

పొవిగ్లియా ద్వీపం, ఇటాలి
2000 సంవత్సరాలకు ముందే ఈ ద్వీపం గురించి పురాణాలలో రాయబడింది. 1348 లో వెనిస్ నగరంలో ప్లేగ్ వ్యాధితో బాధపడుతున్న కొన్ని వేల మందిని మొదటిసారిగా ఈ ద్వీపానికి తరలించేరు. తిరిగి 1793 లోనూ మరియూ 20వ శతాబ్ధం ప్రారంభంలోనూ అదే వ్యాధితో బాధపడుతున్న వేలాది మందిని ఈ ద్వీపానికి తరలించేరు. 1922 లో అక్కడ కొన్ని భవనాలను కట్టి, అప్పుడు ఆ ద్వీపములో బ్రతికున్నవారికి చికిత్స అందించేరు. అప్పటికే అంతకు ముందు అక్కడకు పంపిన వారు చనిపోయి ఆత్మలుగా తిరుగుతూ ఆ ద్వీపానికి వచ్చిన వారిని చంపుతున్నారని 1968 లో ఆ ద్వీపములోని అన్ని భవనాలనూ మూసేసి తిరిగి వచ్చేసేరు. అప్పటి నుండి ఆ ద్వీపానికి వెళ్ళటానికి ఎవరికీ అనుమతిలేదు.

వాటికన్ రహస్య ప్రాచీన భాండాగారం,ఇటాలి
52 మైళ్ల పొడవుకు అరలున్న ఈ ప్రాచీన భాండాగారంలో కాథలిక్ చర్చి యొక్క మతపరమైన చట్ట చర్యలు గురించి రాసున్న పత్రాలు భద్రపరచబడి ఉన్నాయట. ఈ ప్రాచీన భాండాగారం మత ప్రచారం మొదలైనప్పటి(అపోస్టోలిక్ వయసు)నుండి (C-33 )ఉందని చెబుతారు. 1881 వరకు ఈ ప్రాచీన భాండాగారం లోపలకు వెళ్ళటానికి ఒక్క పోప్ కు మాత్రమే అనుమతి ఉండేదట. ఈ రోజు ఎవరైనా వెళ్ళాలంటే వారు The Davinci Code’s తీవ్ర పరిశోధకుడిగా గుర్తింపు ఉండాలి.

ఇతియోపియా దేశంలో ఉన్న Our Lady Mary of Zion చర్చి
4 వ శతాబ్ధములో ఆఫ్రికా దేశాన్ని పరిపాలించిన మొదటి క్రైస్తవ చక్రవర్తి దీన్ని నిర్మించేరు. ఈ చర్చిలో ఉన్న చిన్న చర్చి( గర్భ గుడి)లోని పవిత్రమైన నిబంధన మందసము(sacred Ark of the Covenant)ను పూజించటానికి ఒక మత గురువును నియమించారు. ఆయనకు మాత్రమే ఆ చర్చిలోకి వెళ్ళేందుకు, అక్కడ ప్రార్ధన చేసేందుకు, అగరవొత్తులు వెలిగించేందుకు అనుమతి. ఆ మతగురువు చనిపోయేంతవరకు ఆ గర్భ గుడిలోనే ఉండాలి . చనిపోయేముందు తన వారసుడుగా ఎవరినైనా ప్రకటించాలి. క్రైస్తవ చక్రవర్తి ఉన్నంతవరకు ఎలా చేయగలిగేరో తెలియదు కానీ ఆ తరువాతే తెలిసింది, అ గర్భ గుడిలోకి ఒక మనిషి వెళ్ళటానికీ, నివసించటానికీ, బయటకు రావడనికి ఎంతమాత్రం దారే లేదని. పరిశోధకులు గర్భగుడిలో అమర్చబడ్డ నిబంధన మందసము యొక్క అంగీకారము గురించి తెలియదు కాబట్టీ ఈ చర్చిలోకి వెళ్ళటానికి ఎవరికీ అనుమతిలేదు. అనుమతించరు.

జియాంగ్ స్యూ జాతీయ రక్షణ మ్యూజియం, చైనా
చైనా దేశములోని నన్ జింగ్ నగరములో ఉన్న ఈ మ్యూజియంలో ప్రపంచ దేశాలపై చైనా గూఢచర్యం చేసిన పత్రాలు, గూఢచర్యంలో ఉపయోగించబడ్డ వస్తువులు భద్రపరచబడ్డాయి. ఈ వస్తువులలో పెన్నులు, లిప్ స్టిక్లు మరియూ గూఢచర్యం ఎలా చేసేరో అని రాసున్న పత్రాలు మరియు మ్యాపులు ఉన్నాయి. ఈ మ్యూజియమును చూడటానికి విదేశీయులకు అనుమతిలేదు. చైనా దేశస్తులు మ్యూజియమును చూడాలనుకున్నా వారికి కూడా ఎన్నో ఆంక్షలు విధించేరు. దీనితో ఈ మ్యూజియం ఎవరూ వెళ్ళలేని చోటుగానే ఉంటోంది.

పైన్ గాప్, ఆస్ట్రేలియా
ఆస్ట్రేలియా దేశంలోని ఉత్తర భాగంలో ఆస్ట్రేలియా మరియు అమెరికా కలిసికట్టుగా నడుపుతున్న ఉపగ్రహ ట్రాకింగ్ స్టేషన్. పైన్ గాప్ ను ముఖ్యంగా వాడుకునేది అమెరికా దేశమే. వారి దేశానికి చెందిన జాతీయ, అంతర్జాతీయ గూఢచార సంస్థలైన సి.ఐ.ఏ, ఎన్.ఎస్.ఏ. మరియు ఎన్.ఆర్.ఓ కార్యకలాపాలు ఇక్కడి నుండే జరుగుతాయి. అమెరికా గూఢచార ఉపగ్రహాల నుండి వచ్చే సమాచారమును మరియు ప్రపంచ నిఘా నెట్వర్క్ ECHELON అందించే వార్తలను సేకరించే ప్రదేశం. ఇక్కడికి సాధారణ మనిషి వెళ్ళలేడు. అలా వెళ్ళటానికి ప్రయత్నించిన వారు ఖైదు చేయబడి, శిక్చలు అనుభవిస్తున్నారు.

ఐసే గ్రాండ్ ష్రైన్, జపాన్
జపాన్ దేశములోని షింటో మతం వారి అత్యంత పవిత్రమైన మందిరం. ఐసే అనే నగరములో ఉన్నందున ఈ మందిరానికి ఈ పేరు వచ్చింది. జపాన్ దేశములోని షింటో మత మందిరాలన్నిటికీ ఇది కేంద్రం. ఈ మందిరాన్ని Amaterasu-ōmikami (విశ్వానికి దేవత) కు సమర్పించుకున్నారు. ఈ మతానికి చెందినవారు ప్రకృతినే దైవముగా భావించి వానలూ మరియు సముద్రం సూర్యుడిని దేవునిగా కొలుస్తాయని నమ్ముతారు. 2000 సంవత్సరాల క్రితం ప్రకృతి అందించిన కొన్ని వస్తువులను అక్కడ భద్రపరిచేరట. ఈ మందిరంలోకి ఎవరూ వెళ్లకూడదు. జపాన్ దేశములోని షింటో మతస్తులు కూడా ఈ మందిరం బయట నుండే ప్రార్ధనలు చేసుకోవాలట.

మెట్రో-2, రష్యా
మాస్కో నగరంలో ఇప్పుడున్న మెట్రో రైల్వే లైనుకు సమాంతరంగా మెట్రో-2 రైల్వే లైన్లు ఉన్నట్లు చెబుతారు. ఇది ఒక రహస్య రైలు మార్గమని, దీనిని రష్యా గూడచార సంస్థ కె.జి.బి వాడుతున్నదని, ఈ రైల్వే లైనును స్టాలిన్ పరిపాలనలో వేసేరని, దీని రహస్య పేరు D-6(Д-6)అని, రష్యా రక్షణ శాఖ దీనిని నడిపిస్తున్నదని చెబుతున్నారు. 1994 లో రష్యా పట్టణ అన్వేషణ సమూహం లోని ఒక వ్యక్తి పాతాళలోకం తవ్వకాల శోధనలప్పుడు భూమిని తవ్వుతున్నప్పుడు ఈ రైలు మార్గాన్ని కనుగొన్నానని తెలిపేడు. రష్యా ప్రభుత్వం అటువంటిదేమీలేదని చెబుతోంది., మరింకెవరూ ఈ రైలు మార్గం గురించి చెప్పటంలేదు.

Saturday, November 22, 2014

మాంచెస్టర్ మ్యూజియంలో కదిలే విగ్రహం.....ఫోటోలు మరియూ వీడియో

మాంచెస్టర్ మ్యూజియం మాంచెస్టర్ విశ్వవిద్యాలయానికి సొంతమైనది. ఈ మ్యూజియంలో పురావస్తు, నృశాస్త్రం మరియు సహజ చరిత్రకు సంబంధించిన రచనలు, వస్తువులు ఉంచబడతాయి.

అలా ఉంచబడిన వస్తువులలో ఒకటే ఇప్పుడు మనం తెలుసుకోబోతున్న కదిలే విగ్రహం. ఈ విగ్రహం ఈజిప్ట్ దేశ అతి పురాతన విగ్రహం. ఈ విగ్రహం పేరు నెబ్-సెను. ఇది 1800 B.C. కాలానికి చెందినది. గత 80 సంవత్సరాలుగా మాంచెస్టర్ మ్యూజియం లో ఒక అద్దపు పెట్టెలో భద్రపరచబడి ఉన్నది.


ఈ విగ్రహం ఎప్పటి నుండి కదులుతున్నదో తెలియదు. ఒక రోజు మాంచెస్టర్ మ్యూజియం లో ఈజిప్ట్ దేశ వస్తువులను జాగ్రత్తగా చూసుకునే బాధ్యతలు తీసుకున్న క్యాంప్ బెల్ ప్రైజ్ అనే వ్యక్తి ఈ విగ్రహం కదలడాన్ని చూసి ఆశ్చర్యపోయేడు. అతను చూస్తున్నప్పుడే ఆ విగ్రహం కదలడం ఆగిపోయింది. అప్పుడు ఆ విగ్రహం పర్యాటకులకు తన వెనుక వైపును చూపిస్తున్న ధోరణిలో స్థానం మార్చుకుని ఉన్నది. కొద్ది క్షణాలు భయాందోళణకు గురైన క్యాంప్ బెల్ ప్రైజ్ ధైర్యం తెచ్చుకుని అద్దపు పెట్టెను తెరిచి ఆ విగ్రహాన్ని మామూలు స్థానంలో(అంటే పర్యాటకులకు విగ్రహం ముఖం కనబడేటట్లు) ఉంచేడు. ఆ బొమ్మను సాయంత్రం అతను మ్యూజియం వదిలి వెళ్లేంతవరకు అప్పుడప్పుడు చూస్తున్నాడు. ఆ విగ్రహం లో ఎటువంటి కదలిక లేదు.


మరుసటిరోజు మ్యూజియం తెరిచినప్పుడు చూసేడు. ఆ విగ్రహం తను ఉంచిన స్థానంలోనే ఉన్నది. అతను మ్యూజియంలో కొన్ని పనులు చూసుకుని వచ్చి చూసినప్పుడు ఆ విగ్రహం తన స్థానాన్ని కొంచంగా మార్చుకోనుంది. ఏమి జరుగుతుందో చూద్దామని అతను కూడా మెదలకుండా ఉన్నాడు. కొద్ది గంటల తరువాత చూస్తే ఆ విగ్రహం మరికొంత పక్కకు తిరిగి ఉంది. మధ్యాహ్నం చూసినప్పుడు ఆ విగ్రహం పూర్తిగా వెనుకకు తిరిగి ఉంది. సరిగ్గా అతను అంతకు ముందు రోజు మొదటిసారిగా ఆ విగ్రహం ఏవైపుకు తిరిగి ఉన్నదో ఆ వైపులో ఉన్నది.


క్యాంప్ బెల్ ప్రైజ్ ఈ విషయాన్ని తన పై అధికారులకు మరియూ మ్యూజియం నిర్వాహకులకు తెలిపేరు. వారందరూ క్యాంప్ బెల్ ప్రైజ్ చెబుతున్నది నిజమా, కాదా అని తేల్చుకోవడానికి రెండురోజులు ఆ విగ్రహాన్ని గమనించేరు. క్యాంప్ బెల్ ప్రైజ్ చెబుతన్నట్లే ఆ విగ్రహం కదులుతున్నదని నిర్ధారించుకున్నారు. వెంటనే వారంతా కలిసి ఒక నిర్ణయానికి వచ్చి, ఆ విగ్రహాన్ని మానిటర్ చేయడానికి సి.సి టీ.వి కెమేరాలు ఉంచేరు.

కెమేరాలలో ఆ విగ్రహం కదలడాన్ని చూడగలిగేరు. ఆ విగ్రహం ప్రొద్దున పర్యాటకులు వచ్చినప్పటి నుండి మధ్యాహ్నం లోపే కదులుతున్నదని తెలుసుకున్నారు(రాత్రి పూట కదలడం లేదు). మామూలు కళ్లతో పరీక్షగా చూస్తున్నప్పుడు విగ్రహం కదలడాన్ని చూడలేకపోయిన వారు(స్థానం మారింది మాత్రమే చూడగలిన వారు)సి.సి.టీ.వీ కెమెరాలో విగ్రహం కదలడాన్ని చూసేరు. ఆశ్చర్యపోయేరు.

శాస్త్రవేత్తలను కలుపుకుని పరిశోధనలు మొదలుపెట్టేరు. పది ఇంచుల ఎత్తుమాత్రమే ఉన్న ఆ విగ్రహం 180 డిగ్రీలు మాత్రమే తిరుగుతోంది. అంటే ముందు నుండి వెనుకకు. అందులోనూ పర్యాటకులు వస్తున్నప్పుడే తిరగడం మొదలు పెడుతున్నది. కారణం తన(విగ్రహం)వెనుక వైపు రాసున్న రాతలను పర్యాటకులు చూడాలనే. ఆ విగ్రహం వెనుక "బ్రెడ్డు, బీరు, ఎద్దులు, కోడి సమర్పించుకోండి" అని రాసుంది. ఈ రాతలు పర్యాటకులు చూడాలనే ఆ విగ్రహం అలా తిరుగుతోందని, ఆ విగ్రహంలో ఆత్మ ఉన్నదని, దానికి ఆహారం కావాలనే అలా తిరుగుతోందని పరిశోధకులు తెలియజేసేరు.


విషయం తెలుసుకున్న ప్రభుత్వం సి.సి.టీ.వీ కెమేరాలలో రికార్డైన దాన్ని చూసి అసలు విషయం ప్రపంచానికి తెలుపాలని ఒక శాస్త్రవేత్తల కమిటీని నియమించింది. వారు పరిశోధనలు చేసి, అది అతి చిన్న విగ్రహం కనుక మ్యూజియంకు వచ్చే పర్యాటకుల కదలికల వలన, వారి కంపనములకు కదులుతున్నదని మరియు విగ్రహం యొక్క కుడి, ఎడమల బరువు తేడాగా ఉన్నందువలన ఆ విగ్రహం కదులుతున్నదని తెలిపేరు.


పర్యాటకుల కదలికల వలన విగ్రహం కదులుతున్నది అనడానికి సైన్స్ లో ఒక లెక్క ఉన్నది. స్టిక్ లిప్ వైబ్రెషియో అనే లెక్క. ఈ లెక్క ప్రకారం ఆ విగ్రహం కదులుతున్నదని ఒప్పుకోవచ్చు, కానీ 1933 నుండి అక్కడున్న ఆ విగ్రహం 2013 లోనే కదలటానికి కారణమేమిటి? అంతకు ముందు ఎందుకు కదలలేదు? స్టిక్ లిప్ వైబ్రెషియో ప్రక్రియలో కదులుతున్నది అనే నిర్ణయానికి వస్తే ఎందుకు విగ్రహం సరిగ్గా వెనుకకు వరకే తిరిగి ఆగిపోతోంది? పూర్తిగా ఎందుకు తిరగటంలేదు? పర్యాటకులు సాయంత్రం వరకు వస్తున్నారు కాబట్టి స్టిక్ లిప్ వైబ్రెషియో ప్రక్రియలో ఆ విగ్రహం ఎందుకు మళ్ళీ ముందుకు తిరగటంలేదు? మధ్యాహ్నం వరకే తిరిగి ఎందుకు ఆగిపోతోంది?...అనే మిగిలిన శాస్త్రవేత్తలూ, ప్రజలు అడిగే ప్రశ్నలకు సమాధానం లేదు.

ఈ ప్రశ్నలకు సమాధనం చెబుతామని అంటున్నారు కానీ ఇప్పటి దాకా ఎటువంటి సమాచారమూ వారు అదివ్వలేకపోవటం మూలంగా ఇది ఒక మిస్టరీగా మిగిలిపోయింది.

దీని గురించిన వీడియోను ఈ క్రింద చూడవచ్చు

Friday, November 21, 2014

డార్క్ వెబ్(భయపెట్టే చోటు): బ్లాక్ మార్కెట్ అంతర్జాలం....ఫోటోలు

దీని గురించి మీకు తెలిసుండకపోవచ్చు. మనం చూస్తున్న అంతర్జాలంలో ఇది కనిపించదు. అంతర్జాలంలోనూ, బ్లాక్ మార్కెట్ అంతర్జాలం ఉన్నది. ఈ బ్లాక్ మార్కెట్ అంతర్జాలములో జరుగుతున్నవి అతి భయంకరమైన విషయాలు. అవేమిటో తెలుసుకోవాటానికి డార్క్ నెట్ కు వెడదాం రండి. ఫోటోలలో క్రింద రాసిన దానిని ఒకటికి రెండు సార్లు చదవండి. మీకు పూర్తిగా అర్ధమౌతుంది.