Monday, April 30, 2012

50 సంవత్సరాలుగా కాలుతున్న టౌన్......ఫోటోలు

కొలంబియా దేశంలోని పెన్సిల్ వేనియా లో ఉన్న సెంట్రాలియా అనే టౌన్ గత 50 సంవత్సరాలుగా కాలుతునే ఉన్నదట. 1962 మే నెలలొ టౌన్ లోని ఒక గోతిలో పనికిరాని వస్తువులను గుంపుగా చేర్చి తగలబెట్టేరు. వస్తువులు కాలి బూడిదైనా ఆ మంటలను ఆర్పలేదు. ఆ టౌను క్రింద ఒక బొగ్గు గని ఉన్నది. ఇది అక్కడి ప్రజలకు తెలుసు. అయినా నిర్లక్ష్యంగా, మంటలను ఆర్పకుండా ఉండిపొయేరు. ఆ గొతిలోని మంటలు క్రింద ఉన్న బొగ్గు గనిలోకి చొచ్చుకుపోయింది. మరుసటిరోజు ప్రొద్దున కూడా అక్కడ దట్టమైన పోగ వస్తూ ఉండటంతో విషయం గ్రహించిన అధికారులు ఫైర్ సర్వీస్ వారికి ఫోన్ చేసేరు. ఎన్ని నీళ్ళుపోసినా పొగ తగ్గలేదు. కొన్ని వారాలు ప్రయత్నంచేసినా పొగ ఆగలేదు సరికదా గాలిలో విషపూరిత వాయువు నిండుకున్నదని తెలుసుకున్నారు. కొన్ని రోజులకు టౌన్ లోని ఇళ్ళల్లో, షాపులలో భూమి క్రింద వేడి మొదలైంది. అప్పుడు తెలుసుకున్నారు క్రింద బొగ్గు గనిలోకి మంటలు వెళ్ళి బొగ్గు గని తగలబడుతోందని. కొందరు ఇళ్ళు కాలీచేసి దూరంగా వెళ్లేరు. టౌను లో అక్కడక్కడా చిన్న చిన్న రంద్రాలు చేసి వాటి గుండా నీళ్ళు పోసేరు. ఎంత ప్రయత్నించినా ఏమీ ప్రయోజనం లేకపోయింది. గాలిలో కార్బన్ మోనాక్సైడ్ ఎక్కువైంది.టౌన్ కాలీ చేసి వెళ్ళవలసి వచ్చింది. 1980 లో మొత్తం 200 ఎకరాల మేరకు భూమిక్రింద బొగ్గు గని తగలబడింది. భూమి క్రింద వేడి ఎంత ఉన్నదో, పైన ఎంత ఉన్నదో తెలుసుకునే సామగ్రిని ఉంచేరు. ఇంకా అక్కడ మంటలు ఆరిపోలేదని చెబుతున్నారు.
ఈ క్రింది ఫోటోలు టౌన్ కాలక ముందు తీసినవి. తారీఖు తెలుపలేదు.

No comments:

Post a Comment