Thursday, March 29, 2012

బాలి(ఇండోనేషియా)లో(ఉగాది?)సంవత్సరాదిని ఎలా జరుపుకుంటారో తెలుసుకోండి...ఫోటోలు మరియూ వీడియో

బాలి ఇండోనేషియా లోని ఒక ద్వీపం. ప్రముఖ ప్రపంచ పర్యటక ప్రాంతమైన ఈ ధ్వీపం ప్రాచీన హిందు సంస్కృతికి, ఆలయాలకు ప్రసిద్ది గాంచింది. ఇక్కడ 90% హిందువులు ఉన్నారు. ఇక్కడ...ఇండోనేషియాలో హిందువులు మైనారిటీలే అయినా బాలీలో హిందువులు 93.18 శాతం ఉన్నారు.వీరిని బాలినీస్ హిందూస్ అంటారు. ఇక్కడకూడా సంవత్సరాది జరుపుకుంటారు. అది కూడా మన ఉగాది రోజునే. ఈ సంవత్సరం మార్చ్ 23 న వారు సంవత్సరాది జరుపుకున్నారు. వారు వారి సంవత్సరాదిని "నెయేపీ" అంటారు. నెయేపీ అంటే "మౌనం" అని అర్ధం. "మౌనంగా ఉండవలసిన రోజు" అని జరుపుకుంటారు. నిజమే. ఆ రోజు బాలీ మొత్తం మౌనంగా ఉంటుంది.ఉదయం 6 గంటల నుండి మరిసటి రోజు ఉదయం 6 గంటల వరకు బాలీలో ఉన్నవారందరూ మౌనంగా ఉంటారు. ఒక విధంగా చూస్తే ఆ రోజు మౌన వ్రతం పాటిస్తారు అని చెప్పవచ్చు. ఆ రోజు ఎవరూ వీధులలోకి రారు. ఇళ్ళలోనే ఉంటారు.ఇళ్ళలో కూడా ఎవరూ మాట్లాడుకోరు.టీ.వీ లు పెట్టరు.రేడియోలు వినరు. అందరికీ ఆ రోజు సెలవు రోజు. బాలీ విమానాశ్రయం గూడా మూసే ఉంటుంది. విదేశీయులు కూడా ఎక్కడికీ ప్రయాణం చేయకూడదు. ఎమర్జన్సీ పనులకు తప్ప మిగిలినవాటికి అనుమతిలేదు. బాలీ మొత్తం నిశ్శబ్ధం గా ఉంటుంది. అయితే కొంతమంది సెక్యూరిటీ గార్డులు మాత్రం వీధులలో తిరుగుతారు. బాలీ మొత్తం నిర్మానుశ్యమైన వాతావరణం కలిగియుంటుంది. ముందు రోజు మాత్రం వారు వేడుకలు చేసుకుంటారు.రాక్షసుని విగ్రహాన్ని ఊరేగింపుగా తీసుకువెడతారు.ఊరేగింపు తరువాత ఆ విగ్రహాన్ని తగలబెడతారు. మరిసటి రోజు పవిత్రత కోసం,శుద్దిచేసుకుంటారు.అదే మౌన వ్రతం రోజు. ఆ రోజు నుండి వారికి కొత్త సంవత్సరం మొదలవుతుంది. ముందురోజు వేడుకలు
మౌనం పాటించే రోజు(సంవత్సరాది)

No comments:

Post a Comment