Thursday, March 15, 2012

"బ్లాక్ మనీ" వివరాలు...స్విస్ బ్యాంక్ ఉత్తరం…?......ఫోటొ

ఈ లెటర్ ఎంతవరకు నిజమైనదో తెలియదు. భారత ప్రభుత్వానికి పంపబడ్డదని చెప్పబడుతున్న ఈ లెటర్ లో 10 మంది ప్రముక వ్యక్తుల పేర్లు మరియూ వారు దాచుకున్న సొమ్ము వివరాలు ఇవ్వబడాయి. ఈ లెటర్ నిజం అయ్యుండదనీ చెప్పలేము. ఎందుకంటే ఈ లెటర్లో ఉన్న ప్రముక వ్యక్తులు బ్లాక్ మనీ దాచుకోరు అని చెప్పలేము గనుక. ఈ లెటర్లో మన గమనించవలసిన మరో ముఖ్య విషయం ఒకటుంది. ఈ లెటర్ చివర్లో విదేశీయులు వారి బ్యాంక్ లో దాచుకున్న మొత్త డబ్బు(3,364 బిల్లియన్ డాలర్లు)లో 56 శాతం భారతీయలదేనని సూచించేరు. అంటే ఈ లెటర్లో చెప్పబడిన ప్రముకులే కాకుండా మరింకెందరో అక్కడ బ్లాక్ మనీ దాచుకున్నారు.

‘బ్లాక్ మనీ’..ఈ పదం ఈ మద్య బాగా పాపులర్ అయింది. భారత దేశం తరచూ ఈ పదంతోనే వార్తల్లో నిలుస్తోంది. కారణం మన రాజకీయ నాయకులు, ప్రభుత్వ అధికారులు, కొందరు బిజినెస్ మ్యాన్స్ అక్రమంగా సంపాదించిన డబ్బును స్విస్ బ్యాంకుల్లో దాచుకోవడమే. విదేశాలలో దాగిన నల్ల ధనంపై ముందు ఖచ్చితమైన సమాచారం ఉండాలని, ప్రతిపక్షాలు పాతిక లక్షల కోట్లు అంటే అవును, పాతిక లక్షల కోట్లు అని పునరుద్ఘాటించడానికి ప్రభుత్వం సిద్ధంగా లేదని ఆర్థిక శాఖ మంత్రి ప్రణబ్ ముఖర్జీ ఒకప్పుడు చెప్పారు.

నల్ల ధనానికి సంబంధించి ఇప్పటికే ఏయే దేశాలలో ఆ నల్లధనం దాచుకున్నారని ఆరోపణలు వస్తున్నాయో ఆయా దేశాలతో మాట్లాడుతున్నామని ఆయన వివరించారు. వివిధ దేశాలతో ఉన్న ఒప్పందాల ప్రకారమే ఏదైనా జరగాలని, మనం వివాదాలకు తావు లేని విధంగా విశ్వసనీయ సమాచారాన్ని సేకరించి ఇవ్వగలిగితే అందరం కలిసి ఈ సమస్యను పరిష్కరించవచ్చునని ఆయన అన్నారు. స్విట్జర్లండ్తోనూ, ఫ్రాన్స్తోనూ కూడా ఈ అంశంపై మాట్లాడామని ఆయన గుర్తు చేశారు.

నల్ల ధనం అనేది దేశ ఆర్థిక వ్యవస్థను ఛిన్నాభిన్నం చేస్తున్నదనే అంశంలో వివాదానికి తావు లేదు. ఈ నల్ల కుబేర వ్యవస్థను ప్రభుత్వమే నిర్వీర్యం చేయాలి.

భారత ప్రభుత్వాన్ని మోసం చేసి విదేశాలలో వందలాది కోట్లు దాచుకున్న వారి పేర్లను ప్రభుత్వమే బయటపెట్టా లి . అసలు దేశం మొత్తం మీద ఎంత మొత్తం నల్లధనంగా మారిందో, ఎంత మొత్తం ఇలా విదేశాలకు తరలిపోయిందో, ఇకముందు ఇలా జరగకుండా ఉండడానికి ప్రభుత్వం ఏం చేయదలుచుకుందో ప్రభుత్వం ప్రజలకు సవివరంగా చెప్పాలి.

ఈ రోజు ఈ సంవత్సరానికి గానూ బడ్జెట్ ప్రవేశపెట్టబోతున్నారు. ఇందులో విదేశీయ బ్యాంకులలో దాగియున్న "బ్లాక్ మనీ" గురించి ప్రభుత్వం ఏమిచేయదలుచుకుందో చెబుతారేమో వేచి చూడాలి.

No comments:

Post a Comment