Monday, August 30, 2010

ఇన్ స్యూరన్స్ కు తగినట్లు డాక్టర్లు బిల్లులు వేస్తున్నారా? అవసరం లేక పోయినా టెస్ట్ లు చేస్తున్నారా?

ఇన్ స్యూరన్స్ చేసుకోవడం చాలా మంచిదని అందరికీ తెలుసు. ఎందుకంటే ఇప్పుడు చిన్న చిన్న వైద్యాలకు కూడా వేలు ఖర్చు పెట్టవలసి వస్తున్నది. కానీ చాలా మంది పేషెంట్లు చెప్పటమేమిటంటే మనకున్న ఇన్ స్యూరన్స్ కు తగినట్లు హాస్పిటల్ వారు అవసరమున్నా లేక పోయినా టెస్టు లూ, శస్త్ర చికిత్సలూ చేస్తున్నారని చెబుతున్నారు.

ఈ మధ్య ఒక రిటైర్డ్ ఆవిడ మొకాళ్ల నొప్పులతో భాద పడుతూ ఒక హాస్పిటల్ కు వెళ్ళిందట. ఆ హాస్పిటల్ డాక్టర్లు ఆవిడ్ని అడిగిన మొదటి ప్రశ్న "మీకు ఇన్ స్యూరన్స్ ఉన్నదా?". ఆమె ఉన్నదని చెప్పిన వెంటనే అమెతో "మీరు ఒక శస్త్ర చికిత్స చేసుకోవాలి...దానికి 1 లక్ష రూపాయలు కర్చౌతుంది" అన్నారట. ఆలోచించుకుని వస్తానన్న ఆవిడ మరుసటి రోజు మరో డాక్టర్ ను కలిసిందట. "దీనికి శస్త్ర చికిత్స అవసరం లేదు. మందులు వాడితే చాలు" అన్నారట.

మైక్రోసాఫ్ట్ లో పనిచేస్తున్న ఒకతను కడుపునొప్పితో హాస్పిటల్ కు వెడితే "ఎండో స్కోపీ" చేయాలని చెప్పేరట. అతను వేరే డాక్టర్ ను కలిస్తే ఆయన అరుగుదలకి మందులిచ్హేరట. ఆ మందులు వాడిన అతను ఇప్పుడు ఆరోగ్యంగా ఉంటున్నాడట.

హాస్పిటల్ కు వెడితే అడిగే మొదటి ప్రశ్న "మీకు ఇన్ స్యూరన్స్ ఉన్నదా...మీరు ఎక్కడ పనిచేస్తున్నారు". ఈ రెండింటినీ ఆధారం చేసుకుని దానికి తగినట్లు వైద్యం చేస్తున్నారు అని చాలా మంది చెబుతున్నారు.

"మా నాన్న గారికి అంజియోప్లాస్టీ చేయవలసి వచ్హింది. ఒక పెద్ద హాస్పిటల్ కు తీసుకు వెళ్లేను. మాకు ఇన్ స్యూరన్స్ ఉన్నదని తెలుసుకుని ఖరీదైన ప్యాకేజ్ తీసుకోమన్నారు. ఆ ఇన్ స్యూరన్స్ డబ్బును తీసుకోవటానికి ఆంజియోప్లాస్టీ అయిన తరువాత ఆయనకు చాలా టెస్ట్ లు చేసేరు. "ఆపరేషన్ తరువాత ఈ టెస్ట్ లు అవసరంలేదు. కానీ మీరు తీసుకున్న ప్యాకేజ్ లో ఇవన్ని ఉన్నాయి" అని అక్కడున్న మరో డాక్టర్ చెప్పేరు" అని ఐ.టీ కంపెనీలో పనిచేసే మరొకతను చెప్పేరు.

"జ్వరం గా ఉన్నదని ఒక హాస్పిటల్ కు వెళ్లేను. నా బ్లడ్ లో ప్లాట్లెట్ కౌంట్ తక్కువగా ఉన్నదని, నాకు డెంగ్ జ్వరమని చెప్పి హాస్పిటల్లో చేర్చుకున్నారు. కానీ ఆ రోజంతా ఏ డాక్టరూ నన్ను చూడలేదు. నేను మరుసటి రోజు మరో డాక్టర్ ను కలిసేను. ఆయన నాకు వైరల్ ఫీవర్ అని చెప్పేరు" మరో పేషంట్ తెలిపేరు.

వీరు చెప్పిన దానిని ఒక హాస్పిటల్ డాక్టర్ ఖండించేరు. "మాకు పేషంట్ లు చాలా ముఖ్యం. హాస్పిటల్లో అడ్మిట్ చేసుకునే ముందు ఇన్ స్యూరన్సా....డబ్బ అని అడగటం మాకు అలవాటు. అంతే గానీ మేము ఇన్ స్యూరన్స్ కి తగినట్లు వైద్యం చేస్తున్నామని అనడంలో అర్ధంలేదు" అన్నారు.

"డాక్టర్లు అలా ఎప్పుడూ చేయరు. ఎందుకంటే వారు పేషెంట్లకు చేసే అన్ని చికిత్సలకూ రిపోర్ట్లు ఉంటాయి. ఇన్ స్యూరన్స్ కంపెనీ వారు అన్ని విధాలా మా బిల్లులను, చికిత్స రిపోర్ట్ లనూ తనిఖీ చేస్తారు" అని మరో హాస్పిటల్ చీఫ్ డాక్టర్ చెప్పేరు.

ఏది నిజం అనే సమస్యలో ఉన్నారు పేషంట్లు.

3 comments:

  1. Very true. I have faced this many times. Now a days doctors are doing treatment based on ones' profession.

    ReplyDelete
  2. yes I too accept... I have also faced the same issue... It's better to know about a doctor or hospital prior to visiting them...

    ReplyDelete
  3. You are right. i have some more solid info on this. i will put a post on it.

    ReplyDelete